İnci şirkətlər qrupunun əməkdaşları ümummilli lider Heydər Əliyevin 100 illik yubileyi münasibətilə “Heydər Zirvəsi”-nə yürüş təşkil ediblər.
Yürüş iştirakçıları sərt və mürəkkəb hava və iqlim şəraitinin olmasına baxmayaraq, zirvəyə qalxmış, Ulu Öndərin xatirəsini hörmətlə anmış və İnci Qrupa məxsus “OFİSAİT” və “OYAL”-ın bayraqlarını ucaltmışlar. Qeyd edək ki, Ulu Öndərin adını daşıyan “Heydər Zirvəsi” Böyük Qafqaz sıra dağlarının Başdağ silsiləsinin Qızıl Qaya massivində, dəniz səviyyəsindən 3751 metr hündürlükdə yerləşir.
