“Ofisait” mağazalarını idarə edən “İnci Şirkətlər Qrupu” QSC fəaliyyətini genişləndirərək qida sektoruna da daxil olur.
Şirkətlər qrupunun “Heybə” adlı mağazası fəaliyyətə başlayıb. Mağaza əsasən balların, arı məhsullarının, çayların, bəzi quru meyvə və çərəzlərin satışı ilə məşğul olacaq.
26 iyul 2023-cü il tarixində “Heybə” brendinin ilk mağazasının açılışı baş tutub.
Qeyd edək ki, brendin adı – heybə – keçmişdə çiyində və ya atın tərkində yük daşımaq üçün istifadə edilən məişət ləvazimatı olub.
İnci Şirkətlər Qrupunun İdarə Heyətinin sədri Mikayıl Yusifov çıxışında deyib ki, rəhbərlik etdiyi şirkətin əsas şuarı insanlara doğru və faydalı xidmət göstərməkdir: “Bütün işlərin başında insan birincidir. “Heybə” layihəsində də əsas məqsəd sağlam həyat tərzini, yerli istehsalı dəstəkləmək və yeni iş yerləri yaratmaqdır”.
Mağazanın açılış mərasimində “Heybə” layihəsinin rəhbəri İsa Abbasov çıxış edərək bildirib ki, mağazanın arı təsərrüfatı Şamaxı və İsmayıllı rayonlarında yerləşdir. May balı süzüldükdən sonra arılar Kələbəcər və Laçına köçürülür. Hazırda arılar Laçındadır. Bu rayonlarda yetişən qaratikan, cökə, akasiya və digər çiçəklərin nektarından arıların hazırladığı ballar qablaşdırılaraq satışa təqdim olunur. Ballardan başqa pətəklər, arı südü, bal qaymağı, yaşıl və qara çay növləri keyfiyyətli qablaşdırmada təklif olunur.
Müxtəlif növdə və dadda təklif olunan çaylar dünyanın Çin, Hindistan, Yaponya, Kenia və Viyetnamdan idxal olunur.
“Heybə”də məhsullar hədiyyəlik dəst şəkilində də təklif olunur.
İsa Abbasov bildirib ki, “Biz dayana bilmirik, özümüzdən asılı deyil, daima yeniliklər etmək istəyirik. İşlərimizin məqsədlərindən biri də insanlığa fayda verməkdir. Ən birinci fayda Allahın insana verdiyi cana doğru qulluq etməkdən başlayır. Biz həm istehsalçı, həm də satıcıyıq. Bir məhsulun faydalarını gördükdə onun satıcısı olmağa qərar veririk. Müştərilərimiz ofis, məktəb, ev ləvazimatlarının satışı ilə məşğul olan İnci Şirkətlər qrupundan qida məhsulları da istəyirlər. “Haradan başlayaq?” məsələsini müzakirə etdik və öz qida rasiyonumuzda da birinci yerdə dayandığı üçün baldan başlamağa qərar verdik”.
Tədbirdə qeyd edilib ki, heybe.az internet səhifəsi də hazırlanıb. Bu sayt vasitəsilə məhsulların onlayn satışı həyata keçirilir.
Yaxın gələcəkdə iri supermarketlərdə də “Heybə” məhsullarının satışı təşkil olunacaq.
“Heybə” mağazası Nizami rayonu, Mehdi Abbasov küç, 7 ünvanında (“Super Ofisait” mağazasının yanı) yerləşir.
