1 oktyabr 2023-cü il tarixində “Super Ofisait” mağazasında “Şahmat müsabiqəsi” keçirilib.
“İnci Group of Company”dən verilən məlumatda bildirilir ki, müsabiqə saat 12:00-da 17 nəfərin iştirakı ilə başlamış, şərtlərə əsasən seçilən 1, 2 və 3-cü yerin qalibləri medal və təltifnamə ilə mükafatlandırılmışdır.
Eyni zamanda onu da qeyd etmək lazımdır ki, 1-ci yerin qalibinə Ofisait mağazalar şəbəkəsi tərəfindən xüsusi hədiyyələr təqdim edilmişdir. Qaliblərlə birgə digər bütün iştirakçılar da təltifnamə ilə təltif olunmuşdur.
Müsabiqə uşaqlar üçün əyləncəli mühit yaratmaqla yanaşı, eyni zamanda öyrədici xarakter daşıyırdı. Belə ki, hər bir iştirakçının oyun zamanı yol verdiyi səhvlərə müəllim tərəfindən düzəliş edilmiş və oyun daha dolğun məlumatlarla gedişatını davam etdirmişdir.
